काठमाडौं । नेपाल इन्फ्रास्ट्रक्चर बैंकले नेपाल बाल संगठन (बाल मन्दिर) लाई १ लाख ५० हजार रुपैयाँ आर्थिक सहयोग गरेको छ । बैंकले आफ्नो सेवाको १ बर्ष पुरा गरेको उपलक्ष्यमा बालमन्दिरलाई उक्त रकम हस्तान्तरण गरेको हो ।
सो रकम बराबरको चेक बैंकका नायव प्रमुख कार्यकारी अधिकृत भुपेन्द्र पाण्डेले नेपाल बाल संगठनका महासचिव गणेश भक्त श्रेष्ठलाई हस्तान्रतरण गरेका हुन । बैंकको हाल अधिकृत पूँजी ४० अर्ब रुपैयाँ, जारी पूँजी २० अर्ब रुपैयाँ र चुक्ता पूँजी १२ अर्ब रुपैयाँ रहेको छ ।
साथै बैंकले निकट भविष्यमा सर्वसाधारणलाई सेयर निष्काशन गरी बाँडफाँट गरे पश्चात चुक्ता पूँजी २० अर्ब रुपैयाँ पुर्याउने भएको छ ।
