काठमाडौं । एनआईसी एशिया बैंकले सिन्धुलीको सुनकोशी गाउँपालिका १ स्थित देविस्थान माध्यमिक विद्यालयलाई ३ लाख रूपैयाँ नगद सहयोग गरेको छ । मंगलबार बैंकका प्रमुख कार्यकारी अधिकृत रोशन कुमार न्यौपानेले विद्यालयका प्रधानाध्यापक नारायण नेपाललाई सो रकमको चेक हस्तान्तरण गरेका हुन ।
बैंकको सहयोगले विद्यालयमा अध्ययनरत ४ सय ७६ विद्यार्थीहरू लाभान्वित हुनेछन । उक्त सहयोगले विद्यालयको डेक्स, बेन्चलगायत आवश्यक शैक्षिक पूर्वाधारमा टेवा पुग्ने बैंकले विश्वास लिएको छ । बैंकले ३१९ शाखा, ४५२ एटिएम, १०७ एक्स्टेन्सन काउण्टर एवं ५७ शाखारहित बैंकिङमार्फत सेवा प्रदान गर्दै आईरहेको छ ।
