काठमाडौं । सिटिजन्स बैंक इन्टरनेसनल लिमिटेड र भारतस्थित मेदान्त मेडिसिटि अस्पतालबीच सम्झौता भएको छ ।
सम्झौता अनुसार बैंकका ग्राहकहरुलाई उक्त अस्पतालको सेवा शुल्कमा १५ प्रतिशत छुट पाउने भएको छ । बैंकका प्रमुख कार्यकारी अधिकृत गणेश राज पोखरेल तथा मेदान्त अस्पतालका सेल्स एण्ड मार्केटिङका उपाध्यक्ष सुकेश थरेजाले सो सम्झौतामा हस्ताक्षर गरेका हुन ।
उक्त सुविधा सिटिजन्स बैंकका कार्डबाहक ग्राहकहरुले भारतको गुरगाउँ, लखनउ, राँची, इन्दौरलगायत मेदान्त अस्पतालका सम्पूर्ण शाखामार्फत १५ प्रतिशत छुट पाउनेछन । बैंकले ९३ शाखा, ९० एटिएम तथा १०३ शाखा रहित बैंकिङमार्फत सेवा प्रदान गर्दै आईरहेको छ ।
