काठमाडौं । राष्ट्रिय वाणिज्य बैंकले कर्णाली प्रादेशिक कार्यालय सुर्खेतको उद्घाटन गरेको छ । कर्णाली प्रदेशका मुख्यमन्त्री महेन्द्रबहादुर शाहीले ताम्रपत्र अनावरण गर्दै शुक्रबार प्रादेशिक कार्यालयको उद्घाटन गरेका हुन् ।
कार्यक्रममा बोल्दै शाहीले ‘बैंक खाता छोरीको, सुरक्षा जीवन भरीको’ प्रदेश सरकारको कार्यक्रम राष्ट्रिय वाणिज्य बैंक शाखा कार्यालय मान्माबाट केही दिन अगाडि सुरु गरिएको र उक्त कार्यक्रम प्रदेश भरिका बैंकका सबै शाखाबाट सुरु गरिने बताए ।
कर्णाली प्रदेशका आर्थिक मामिला मन्त्री प्रकाश ज्वालाले बैंकहरुले सरकारी नीति नियमलाई प्राथमिकताका साथ लागु गर्नुपर्ने बताएका छन । कार्यक्रममा बैंक संचालक समितिका अध्यक्ष निर्मलहरि अधिकारीले तीनै तहका सरकारलाई बैकले प्राथमिकताका साथ वित्तीय सेवा दिईरहेको बताए ।
