काठमाडौं । कामना सेवा विकास बैंकले १३ औं वार्षिकोत्सवको अवसरमा शाखा तथा केन्द्रिय कार्यालय रहेको भवनको उद्घाटन गरेको छ ।
अर्थमन्त्री डा. युवराज खतिवडाले एक कार्यक्रमबीच सो भवनको उद्घाटन गरेका हुन । अर्थमन्त्री खतिवडाले सफ्ट ओपनिङ गरी बैंकिङ कारोबार सञ्चालन गरेका ५२ शाखाको समेत विद्युतिय माध्ययमबाट एकैसाथ उद्घाटन गरेका छन ।
बैंकले वार्षिकोत्सवको अवसरमा काठमाडौं लगायत विभिन्न शाखाहरुमा रक्तदान, अन्तरप्रदेश फुट्सल प्रतियोगिता, बृद्ध बृद्धाहरुको निशुल्क आँखा जाँच तथा शल्यक्रियाको व्यवस्थालगायतका कार्यक्रम समेत गरेको छ ।
सोही अबसरमा न्यून आय भएका परिवारका बालबालिका लागि पोषण युक्त खाना खुवाउने काम गर्दै आएको सामाजिक संस्था फुड फर लाईफ नेपाललाई १ लाख १२ हजार ९० रुपैयाँको चेक हस्तान्तरण गरेको छ ।
अर्थमन्त्री डा. युवराज खतिवडाले छोटो अवधिमा राम्रो प्रगति गरी एउटा अब्बल बैंक बन्न सफल भएको बताउँदै देशको अर्थिक विकासमा टेवा पुर्याउनेमा आफू विश्वस्त रहेको बताए ।
त्यस्तै बैंकले सेयरधनीहरुलाई ६ दशमलब ८० प्रतिशत लाभांश वितरण गर्ने भएको छ ।
बैंक सञ्चालक समितिले आर्थिक बर्ष २०७५/०७६ को नाफाबाट उक्त लाभांश वितरण गर्ने निर्णय गरि अन्तिम स्वीकृतिको लागि नेपाल राष्ट्र बैंकसमक्ष पेश गर्ने निर्णय गरेको बैंकले जानकारी दिएको छ ।
बैंकले १०३ शाखा तथा ५१ एटिएममार्फत सेवा प्रदान गर्दै आईरहेको छ ।
