काठमाडौं । सिभिल बैंकले काठमाडौें, काँडाघारी(पेप्सीकोला) मा आफ्नो नयाँ शाखा विस्तार गरेको छ । बैंकले बिहीबार एक कार्यक्रमको आयोजना गर्दै उक्त नयाँ शाखा कार्यालय संचालनमा ल्याएको हो ।
उक्त शाखाको उद्घाटन सिभिल बैंकका संचालक प्रतापजङ्ग पाण्डे तथा कागेश्वरी मनोहरा नगरपालिकाका मेयर कृष्ण हरि थापाले संयुक्त रुपमा गरेका हुन ।
शाखाको उद्घाटन समारोहमा सिभिल बैंकका संचालक प्रताप जङ्ग पाण्डेद्वारा ईन्फिनिट एबिलिटि सेन्टरलाई २५ हजार रुपैयाँको चेक पनि हस्तान्तरण गरिएको छ । हाल बैंकको शाखा संख्या १ सय र एटियम संख्या ६५ पुगेको छ ।
