काठमाडौं । ग्लोबल आईएमई बैंकले जनता बैंकलाई गाभ्ने गरी सहमति भएको छ । सांग्रीला होटलमा आयोजना गरिएको एक कार्यक्रममा ग्लोबल आईएमई बैंक र जनता बैंकबीच गाभिने सम्बन्धी सम्झौतामा हस्ताक्षर भएको हो ।
नेपाल राष्ट्र बैंकले छिट्टै नै आ–आफ्नो जोडी खोज्नका लागि बैंकहरुलाई निर्देशन दिएपछि मेगा बैंकसँग कुरा चलाएको ग्लोबलले जनता बैंकलाई गाभ्ने निर्णय गरेको हो ।
जनता बैंकलाई गाभेपछि बैंकको नाम ग्लोबल आईएमई बैंक नै रहने र सिईओमा भने जनता बैंकका पर्शुराम कँुवर क्षेत्री रहने भएका छन ।
यस्तै बैंकको बरिष्ठ डेपुटी सिईओमा भने महेश ढकाल रहने भएका छन । प्रारम्भिक सम्झौता अनुसार जनता बैंकका शेयरधनीले एक सय कित्ता बराबर ग्लोबल आइएमईको ८५ कित्ता शेयर पाउने बताइएको छ ।
तर, सम्पत्ती तथा दायित्व मूल्याङ्कन (डिडिए) रिपोर्टको आधारमा शेयर स्वाप रेसियो कायम गर्ने सहमति भएको छ।
