काठमाडौं । एनआईसी एशिया बैंकले मुस्लिम समुदायको ईद–उल–फितरका अवसरमा डेविट कार्ड र मोबाईल सेवा निशुल्क प्रदान गर्ने भएको छ ।
बैंकले जेठ २२ देखि ३० गतेसम्म कुनै पनि नयाँ खाता खोल्दा निःशुल्क डेविट कार्ड एवं मोबाइल बैंकिङ सेवा प्रदान गर्ने योजना ल्याएको हो ।
बैंकले सञ्चालनमा ल्याएको उक्त योजनाबाट डिजिटल बैंकिङमा टेवा पुग्नुका साथै ग्राहक लाभान्वित हुने विश्वास बैंकले लिएको छ ।
बैंकले हाल २ सय ८४ शाखा कार्यालयहरु, २ सय ९१ एटिएम, ४३ वटा एक्स्टेन्सन काउन्टर एवं ३१ वटा शाखारहित बैंकिङ ईकाईमार्फत् बैंकिङ सेवा प्रदान गर्दै आईरहेको छ ।
