काठमाडौं । मेगा बैंक नेपाल र मलेसियाको प्लासिड एक्सप्रेस कम्पनीबीच सम्झौता भएको छ ।
मलेसियाबाट छिटो, छरितो र सहज रुपमा नेपालमा रेमीटान्स भित्र्याउन मेगा बैंकले प्लासिड एक्सप्रेससँग सम्झौता गरेको हो । सम्झौतापछि मलेसियामा कार्यरत नेपाली श्रमिकहरु थप लाभान्वित हुने बैंकको विश्वास रहेको छ ।
मलेसियाका साथै प्लासिड एक्सप्रेसमार्फत अमेरिका, बेलायत र इटालीबाट समेत नेपालमा रकम पठाउन सकिने व्यवस्था मिलाइएको बैंकले जानकारी दिएको छ ।
‘मेगा रेमीट’ को सञ्जाल दक्षिण कोरिया, जापान, अष्ट्रेलिया, कुवेत, यूएई, भारत लगायतका देशमा बैंकले यस अघिनै सेवा विस्तार गरिसकेको छ ।
