काठमाडौं । एनआईसी एशिया बैंकले ओखलढुङ्गाको कुन्तादेवी पसल डाँँडामा शाखा रहित बैंकिङ सेवा संचालनमा ल्याएको छ ।
बैंकले संचालनमा ल्याएको उक्त सेवाको सांसद यज्ञ राज सुनुवारले उदघाटन गरेका छन ।
उक्त सेवा मार्फत विभिन्न निक्षेप, खाता खोल्न, तोकिएको सीमा सम्मको रकम जम्मा गर्ने तथा झिक्ने, मोवाईल रिचार्ज गर्ने लगायतका सेवा लिन सकिने बैंकले जानकारी दिएको छ । बैंकले बजार प्रतिनिधिमा संजय खत्रीलाई नियुक्त गरेको छ ।
बैंकले २ सय ७० शाखा, २ सय ८५ एटिएम, ३७ एक्स्टेन्सन काउण्टर तथा २० शाखा रहित बैंकिङ सेवा मार्फत सेवा प्रदान गर्दै आईरहेको छ ।
