काठमाडौं । मुक्तिनाथ विकास बैंकले आफ्ना ग्राहकको कर्जा मिनाहा र रकम फिर्ता गरेको छ ।
बैंकले कर्जा लिएर अकस्मात मृत्यु भएका परिवारलाई १ लाख ७१ हजार रकम फिर्ता र १ लाख ३१ हजार कर्जा मिनाहा गरेको हो ।
क्षेत्रिय कार्यालय पोखराका क्षेत्रिय प्रबन्धक बाबुराम ढकालले स्थानीय हेमन्ती गुरुङका छोरा सन्दीप गुरुङलाई बैंकलाई तिरि सकेको साँवा,ब्याज र क्रिया खर्च सहित ८० हजार १ सय ३० रुपैयाँ नगद फिर्ता गरेको छ ।
साथै उनले तिर्न बाँकी रहेको ३३ हजार ८ सय ३८ रुपैयाँ कर्जा मिनाहा पनि गरेको बैंकले जानकारी दिएको छ ।
त्यस्तै देउराली कास्की निवासी नेत्रहरी क्षेत्रीको अकस्मात निधन भएपछि बैंकलाई तिरि सकेको साँवा,ब्याज र क्रिया खर्च सहित ६७ हजार ६ सय ८२ रुपैयाँ नगद फिर्ता र तिर्न बाँकी रहेको ७६ हजार ८ सय ८८ रुपैयाँ कर्जा मिनाहा गरेको छ ।
यसका साथै पुतलिबजार नगरपालिका टक्सार स्याङजा निवासी स्व.मनसुवा गुरुङले तिरिसकेको साँवा,ब्याज र क्रिया खर्च सहित २३ हजार ७ सय ९१ रुपैयाँ नगद फिर्ता गर्नुका साथै तिर्न बाँकी रहेको २९ हजार ५ सय ८६ रुपैयाँ मिनाहा गरेको बैंकले जानकारी दिएको छ ।
