काठमाडौं । एनआईसी एशिया बैंकले निष्काशन गर्न लागेको ऋणपत्रको निष्कासन तथा बिक्री प्रबन्धकमा नेपाल एसबिआई मर्चेन्ट बैंकिङलाई नियुक्त गरेको छ ।
बैंकले प्रतिकित्ता १ हजार रुपैयाँको दरले निष्काशन गर्न लागेको ४० लाख कित्ता सेयर बिक्रीका लागि एसबिआई मर्चेन्टलाई नियुक्त गरेको हो । बैंकले ‘११ प्रतिशते एनआईसी एशिया ऋणपत्र २०८५÷८६’ निष्कासनको लागि एसबिआई मर्चेन्टलाई नियुक्त गरेको बैंकले जानकारी दिएको छ ।
उक्त सम्झौतामा एनआईसी एशिया बैंकका कामु प्रमुख कार्यकारी अधिकृत रोशनकुमार न्यौपाने र नेपाल एसबिआई मर्चेन्ट बैंकिङका प्रबन्ध निर्देशक छपि राजपन्तले सम्झौतापत्रमा हस्ताक्षर गरेका छन ।
बैंकले निष्काशन गर्न लागेको ४ अर्व रुपैयाँ बराबरको ऋणपत्रमध्ये ८० प्रतिशत (३ अर्ब २० करोड) रुपैयाँ व्यक्तिगत र २० प्रतिशत (८० करोड) रुपैयाँ सर्वसाधारणका लागि नेपाल धितोपत्रबोर्डको स्वीकृति पछि निष्कासन तथा बिक्री खुला गरिने बैंकले जानकारी दिएको छ ।
प्रस्तावित ऋणपत्र ११ प्रतिशत बार्षिक व्याज दरले अर्धवार्षिक रुपमा व्याज भुक्तानी गर्ने गरी १० वर्ष अवधिको लागि निष्काशन गर्न लागिएकोे हो ।
