काठमाडौं । सेञ्चुरी कमर्सियल बैंकले ललितपुर स्थित सनराइज टावरमा एटिएम सेवा संचालनमा ल्याएको छ ।
बैंकले आफ्नो ग्राहकवर्गहरुको सेवामा थप विस्तार गर्ने उदेश्यले धोबिघाट, ललितपुरस्थित सनराइज टावरमा आईतबार देखी सो एटिएम संचालनमा ल्याएको हो ।
बैंकका सञ्चालक समितिका सदस्य राजेशराज दली र सनराइज टावर सोसाइटीका अध्यक्ष सुवर्ण बहादुर क्षेत्रीले संयुक्त रुपमा उक्त एटिएमको उदघाटन गर्दै संचालनमा ल्याएको जानकारी दिएका छन ।
बैंकको उक्त एटिएम उदघाटन सँगै ५१ स्थानबाट एटिएम सेवा प्रदान गर्दै आईरहेको छ ।
बैंकले काठमाडौं उपत्यकामा १२ शाखा र ६ एक्स्टेन्सन काउन्टर, उपत्यका बाहिर ९१ शाखा र २ वटा एक्स्टेन्सन काउन्टर तथा १० शाखारहित बैंकिङ गरी १ सय २१ शाखा मार्फत सेवा प्रदान गर्दै आईरहेको छ ।
