काठमाडौं । एनआईसी एसिया बैंकले उच्च ब्याजदर सहितको मुद्दती निक्षेप योजना पुनः सञ्चालनमा ल्याएको छ ।
धनवर्षा मुद्दती निक्षेप योजना नाम रहेको उक्त मुद्दति निक्षेप योजनामा मासिक रुपमा ब्याज भुक्तानीको सुविधा सहित वार्षिक १२ प्रतिशत व्याज प्रदान गरिने छ ।
मुद्दती निक्षप योजना अन्तरगत देशभर रहेका बैंकको कुनैपनि शाखाबाट जुनसुकै रकमको पनि मुद्दती निक्षेप खाता खोल्न सकिनेछ ।
साथै एक बर्षको अवधिको लागि खोल्न सकिने बैंकले जानकारी दिएको छ ।
मुद्दति योजनामा जम्मा गरिएको रकमको ८० प्रतिशत सम्म कर्जा सुबिधा समेत बैंकले उपलब्ध गराउने भएको छ ।
बैंकको हाल २ सय १८ शाखा २ सय १० एटिएम १४ वटा बिस्तारित काउण्टर, ९ वटा शाखारहित बैंकिङ मार्फत सेवा प्रदान गर्दै आईरहेको छ ।
