काठमाडौं । ग्लोबल आइएमई बैंकले यसै साता ४ वटा शाखारहित बैंकिङ सेवा विस्तार गरेको छ ।
बैंकले सोमबार रुपन्देहीकोे देवदह नगरपालिका वडा नं. १०, मगंलबार गुल्मीको छत्रकोट गाउँपालिका वडा नं. ३ तथा सोही गाउँपालीका ५ मा शाखा विस्तार गरेको छ ।
बैंकले बुधबार गुल्मीकै गुल्मीदरबारमा ८३ औं शाखा सञ्चालनमा ल्याएको हो ।
यस सँगै बैंकको शाखारहित बैंकिङ सेवाको संख्या ८३ पुगेको छ ।
बैंकले सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले १ सय २९ शाखा, १ सय ३१ एटिएम, ४ एक्सटेन्सन काउण्टर, १४ राजश्व संकलन काउण्टर तथा ८३ शाखा रहित बैंकिङ मार्फत सेवा प्रदान गर्दै आईरहेको छ ।
त्यस्तै बैंकले अत्याधुनिक प्रविधियुुक्त भाईवर बैंकिङ, मोबाइल बैंकिङ, इन्टरनेट बैंकिङ मार्फत सेवा प्रदान गर्दै आईरहेको बैंकले जानकारी दिएको छ ।
