काठमाडौं। महालक्ष्मी विकास बैंकले चालु आर्थिक बर्षको तेस्रो त्रैमाससम्मका ३३ करोड ६९ लाख रुपैयाँ खुद नाफा गरेको छ । बैंकले गत आबको सोही अबधिको तुलनामा आफ्नो नाफामा ५५ प्रतिशतले बृद्धि गरेको छ ।

सो अबधिमा बैंकले २५ अर्ब ११ करोड रुपैयाँ निक्षेप संकलन गरी २१ अर्ब ६४ करोड रुपैयाँ कर्जा लगानी गरेको छ । जसबाट बैंकले ७१ करोड ८९ लाख रुपैयाँ ब्याज आम्दानी गरेको छ ।
चुक्ता पूँजी २ अर्ब ६३ करोड रुपैयाँ रहेको महालक्ष्मीको जगेडा कोषमा १ अर्ब १९ करोड रुपैयाँ छ । बैंकको प्रति सेयर आम्दानी १७ रुपैयाँ छ ।