काठमाडौं । एनआईसी एशिया बैंकले एक्सिस बैंकसँगको सहकार्यमा भारतबाट इनवार्ड रेमिटेन्सको सुरुवात गर्ने भएको छ । बैंकले सोका लागि एक्सिस बैंक भारतसँग सम्झौता गरी नेपाल राष्ट्र बैंकबाट स्वीकृती प्राप्त गरेसँगै भारतबाट इनवार्ड रेमिटेन्स सुरु गर्न लागेको हो ।
उक्त सम्झौता अनुसार एक्सिस बैंकको भारतस्थित ३ हजार ५ सयभन्दा बढि शाखाहरुबाट पठाएको रेमिट्यान्स नेपालमा प्राप्त गर्न सकिनेछ । उक्त रकम एनआईसी एसियाको बैंकका नेपालमा रहेका १ सय ९२ शाखा तथा ५ हजारभन्दा बढी सहायक प्रतिनिधिहरु मार्फत सरल र सुलभ रुपमा भुक्तानी पाउन सकिने छ ।
