काठमाडौं । सेञ्चुरी बैंकले चण्डेश्वरी उच्च मा.वि. काभ्रेलाई कम्प्युटर प्रदान गरेको छ ।
उमावि लाई सोमबार एक कार्यक्रम गरी उग्रचण्डी नाला समाज मार्फत ३ थान कम्प्युटर प्रदान गरेको बैंकले जनाएको छ । बैंकका कामु प्रमुख जीवन भट्टराईले समाजका अध्यक्ष चन्द्रलाल श्रेष्ठलाई उक्त कम्प्युटर प्रदान गरेको हो ।
बैंकको काठमाडौं उपत्यकामा ११ शाखा र ५ वटा एक्स्टेन्सन काउन्टर तथा उपत्यका बाहिर ८२ शाखा र ३ वटा एक्स्टेन्सन काउन्टर तथा १० वटा शाखा रहित बैंकिङ गरी जम्मा १११ स्थानबाट सेवा प्रदान गर्दै आएको जारी बिज्ञप्तीमा उल्लेख छ ।
