काठमाडौं । प्राइम कमर्सियल बैंकले सोलुखुम्बु जिल्लामा आफ्नो नयाँ शाखा संचालनमा ल्याएको छ । बैंकले सोलुखुम्बुको नेचा सल्यानमा उक्त शाखा संचालनमा ल्याएको हो ।
उक्त शाखाको बैंकका संचालक गजेन्द्र विष्ट र दूधकुण्ड नगरपालिककाका मेयर नाम्गेल शेर्पाले संयुक्त रुपमा उद्घाटन गरेका हुन् । शाखा उद्घाटन गर्दै संचालक विष्टले देशका ग्रामीण क्षेत्रमा समेत बैंकिङ पहुँच पुर्याउने उद्देश्य अनुरुप सोलुखुम्बु जिल्लामा बैंकले शाखा विस्तार गरेको बताए । ‘प्राइम कमर्सियल बैंकलाई एक सबल र सक्षम बैंकको रुपमा स्थापित गर्दै देशका हरेक क्षेत्रमा बैंकिङ सेवा पुर्यारहेका छौं,’ उनले भने, ‘भरपर्दो र विश्वासिलो बैंकको रुपमा प्राइम कमर्सियल अग्र स्थानमा रहेको छ ।’
सोलुखुम्बुमा खुलेको नयाँ शाखासँगै बैंकको शाखा संख्या ५५ पुगेको छ । बैंकले निकट भविश्यमा शहर र ग्रामणी भेगलाई केन्द्रित गर्दै थप २० वटा शाखा विस्तार गर्ने जानकारी दिएको छ ।
हाल बैंकको चुक्ता पूँजी ८ अर्ब रुपैयाँभन्दा माथी रहेको छ । बैंकले पुस मसान्तसम्ममा ७१ अर्ब रुपैयाँ निक्षेप संकलन गरी ६५ अर्ब रुपैयाँभन्दा बढी कर्जा प्रबाह गरेको छ । सो अबधिमा बैंकले ७१ करोड रुपैयाँभन्दा बढी खुद मुनाफा आर्जन गरेको छ ।
