काठमाडौं । नबिल बैंकले नियुक्ती रद्द गरेको भोलीपल्टै सेञ्चुरी बैंकले पनि अनिल शाहको नियुक्ती खारेज गरेको छ । सेञ्चुरी बैंकको संचालक समितिको हिजो बसेको बैंठकले अनिल शाहको नियुक्ती रद्द गरेको हो ।
सेञ्चुरी बैंकले अनिल शाहलाई जनवरी १, २०१८ देखि लागू हुनेगरी प्रमुख कार्यकारी अधिकृत (सीईओ) पदमा नियुक्त गरेको थियो । तर, शाहले हाजिर हुन असमर्थता जनाउँदै पत्र पठाएकाले उनको नियुक्तीको सम्झौता रद्द गरिएको बैंकले जानकारी दिएको छ ।
शाहको नियुक्ती रद्द गरेसँगै बैंकले नयाँ प्रमुख कार्यकारी अधिकृत नियुक्त गर्ने प्रक्रिया अघि बढाएको जानकारी दिएको छ ।
