काठमाडौं । एनआईसी एशिया बैङकले आफ्ना दुई नयाँ शाखा सञ्चालनमा ल्याएको छ । बैंकले तनहुँको आबुखैरेनी र गोरखाको हरमटारीमा सोमबारबाट सेवा सुचारु गरेको हो ।
उल्लेखित २ शाखा कार्यालयहरुको उद्घाटन सँगै हाल यस बैंकका नेपालभर १५६ शाखा कार्यालयहरु तथा १४१ एटिएम रहेका छन ।
साथै ४ एक्स्टेन्सन काउन्टरहरुबाट ग्राहकहरुलाइ सेवा प्रदान गर्दै आईरहेको छ ।
बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने उद्देश्यसहित अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको जानकारी दिएको छ ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा बैंक निजी क्षेत्रको अग्रणी बैङकहरु मध्ये एक रहेको बैंकको दाबी छ ।
