काठमाडौं । आज एकै दिन ४ बाणिज्य बैंकले वित्तीय विवरण सार्वजनिक गरेका छन् । शुक्रबार नेपाल एसबिआई, बैंक अफ काठमाडौं, नेपाल बंगलादेश बैंक र मेगा बैंकले आर्थिक बर्ष २०७३÷७४ को वित्तीय विवरण सार्वजनिक गरेका हुन् ।

वित्तीय विवरण सार्वजनिक गरेका ४ मध्ये नेपाल एसबिआई, बैंक अफ काठमाडौं, नेपाल बंगलादेश बैंकले अर्बभन्दा बढी आम्दानी गरेका छन् भने मेगा बैंक भने अर्बपति क्लवमा प्रबेश गर्न सकेन ।

आर्थिक बर्ष २०७३र७४ मा नेपाल एसबीआई बैंकले १ अर्ब ५२ करोड रुपैयाँ नाफा गरेको छ । बैकले अघिल्लो आबको तुलनामा २१ करोड रुपैयाँ बढी आम्दानी गरेको हो । बैंकले सो अबधिमा २ अर्ब ९१ करोड रुपैयाँ ब्याज आम्दानी गरेको छ ।

सो अबधिमा बैंकले ८१ अर्ब ६६ करोड रुपैयाँ निक्षेप संकलन गरि ६३ अर्ब दुई करोड रुपैयाँ कर्जा प्रबाह गरेको छ । सो अबधिमा बैंकको चुक्ता पूँजी ६ अर्ब ९२ करोड रुपैयाँ पुगेको छ ।

यसैगरी बैंक अफ काठमाण्डू आफ्नो नाफामा उच्च बृद्धि गर्दै अर्बपति क्लबमा उक्लिएको छ । गत आबले बैंकले आफ्नो नाफालाई ८९ प्रतिशतले नाफा बढाएर १ अर्ब २३ करोड रुपैयाँ खुद आम्दानी गरेको हो ।

बैंकले आफ्नो खराब कर्जा उठौतीमा उल्लेख्य सुधार र ब्याज आम्दानीमा बृद्धि गरेसँगै नाफामा उच्च सुधार ल्याएको तथ्याङ्कले देखाएको छ । सो अबधिमा बैंकले आफ्नो खराब कर्जा कुला कर्जा प्रबाहको २ दशमलव ५१ प्रतिशतबाट घटाएर १ दशमलव ४६ प्रतिशतमा झरेको छ ।

बैंकले गत आबको अन्त्यसम्ममा ७२ अर्ब १३ करोड रुपैयाँ निक्षेप संकलन गरि ६२ अर्ब ५४ करोड रुपैयाँ कर्जा प्रबाह गरेको छ । हाल बैंकको चुक्ता पूँजी ५ अर्ब ६२ करोड रुपैयाँ रहेको छ ।

आजै मात्र वित्तीय विवरण सार्वजनिक गरेको नेपाल बंगलादेश बैंकले १ अर्ब २० करोड रुपैयाँ नाफा आर्जन गरेको छ । तर, उसले आफ्नो नाफामा सुधार ल्याउन सकेको छैन । बैंकले गत आर्थिक बर्षको अन्त्यसम्ममा ४३ करोड ७१ लाख रुपैयाँ निक्षेप संकलन गरी ३७ अर्ब ४६ करोड रुपैयाँ कर्जा प्रबाह गरेको छ । हाल बैंकको चुक्ता पूँजी ७ अर्ब २१ करोड रुपैयाँ रहेको छ ।

गत आबमा मेगा बैंकले पनि ७९ करोड १४ लाख रुपैयाँ नाफा गरेको छ । बैंकले आफ्नो नाफामा उल्लेख्य सुधार गरेपनि अर्बपति क्लबमा भने प्रबेश गर्न सकेन ।
सो अबधिसम्म आइपुग्दा बैंकले ३८ अर्ब ९३ करोड रुपैयाँ संकलन गरी ३४ अर्ब ४९ करोड रुपैयाँ कर्जा प्रबाह गरेको छ । हाल बैंकको चुक्ता पूँजी ४ अर्ब ४८ करोड रुपैयाँ रहेको छ ।