काठमाडौं । माछापुच्छ्रे बैंकले आफ्नो नाफामा ४६ प्रतिशतले बृद्धि गरेको छ । बैंकले नाफामा उच्च बृद्धि गर्दै आर्थिक वर्ष २०७३/७४ मा १ अर्ब ३० करोड नाफा कमाएको छ ।
बैंकले आफ्नो ब्याज आम्दानीमा उच्च बृद्धि गरेसँगै समग्र नाफा बढेको वित्तीय विवरणले देखाएको छ । सो अवधिमा बैंकले २ अर्ब ३२ करोड रुपैयाँ ब्याज आम्दानी गरेको छ ।
बैंकले असार मसान्तसम्म आइपुग्दा ५८ अर्ब ६२ करोड निक्षेप संकलन गरी ५१ अर्ब ८६ करोड रुपैयाँ कर्जा प्रवाह गरेको छ । हाल बैंकको चुक्ता पूँजी ६ अर्ब ५९ करोड रुपैयाँ रहेको छ । बैंकले सो अबधिमा निक्षेप संकलनको तुलनामा कर्जा प्रबाह बढाएको छ ।
