काठमाडौं । सेन्चुरी कमर्शियल बैंकले आफ्ना सेयर धनीलाई ४० प्रतिशत हकप्रद सेयर बिक्री खुला गरेको छ । बैंकले १ सय रुपैयाँ अंकित दरको १ करोड ८८ लाख ५४ हजार २ सय ५७ कित्ता हकप्रद सेयर बिक्री खुला गरेको हो ।
उक्त हकप्रदमा गत असार २६ गतेसम्म कायम रहेका सेयरधनीले मात्र आवेदन गर्न पाउनेछन् । सेञ्चुरीमा गाभिएका इन्नोभेटिभ र अरनिको डेभलपमेन्ट बैंकका सेयरधनीले पनि आवेदन दिन सक्नेछन् ।
कम्पनीको विक्री प्रबन्धक सिभिल क्यापिटल रहेको छ । साथै सेञ्चुरी बैंकका सबै शाखा कार्यालयबाट भदौ १८ गतेसम्म आवेदन दिन सकिनेछ ।
हाल सेञ्चुरीको चुक्ता पूँजी ४ अर्ब ७१ करोड ३५ लाख रुपैयाँ रहेको छ । ४० हकप्रद बिक्रीपश्चात बैंकको चुक्ता पूँजी ६ अर्ब ६० करोड ३० लाख रुपैयाँ पुग्नेछ ।
