काठमाडौं । नेपाल राष्ट्र बैंकले जनता बैंक र सिद्धार्थ डेभलपमेन्ट बैंकलाई एक आपसमा गाभ्न/गाभिन अन्तिम स्वीकृति प्रदान गरेको छ । राष्ट्र बैंकको आज बसेको बैंठकले जनता बैंकलाई सिद्धार्थ डेभलपमेन्ट बैंक प्राप्तीका लागि अन्तिम स्वीकृति दिएको हो ।
राष्ट्र बैंकले अन्तिम स्वीकृति प्रदान गरेसँगै जनता बैंकले यही असार भित्रै एकिकृत कारोबार गर्ने भएको छ । असार ३० गते एकिकृत कारोबार गर्ने लक्ष्य लिइएको जनता बैंकका प्रमुख कार्यकारी अधिकृत परशुराम कुँवरले बताए
सिद्धार्थ डेभलपमेन्ट प्राप्तीसँगै बैंकको चुक्ता पूँजी ७ अर्ब रुपैयाँभन्दा बढी पुग्ने छ । साथै चालू आर्थिक बर्षको नाफाबाट बोनस सेयर दिएर ८ अर्ब रुपैयाँ चुक्ता पूँजी पुर्याइने सिईओ कुँबरले जानकारी दिए ।
