बिजखबर संवाददाता
१५ माघ, काठमाडौं । कृषि विकास बैंकले आफ्ना सेयर धनीलाई १५ प्रतिशत लाभांश वितरण गर्ने भएको छ । बैंकले आर्थिक वर्ष २०७०/७१ को नाफाबाट उक्त लाभांश दिन लागेको हो । बैंकको विहीबार वसेको बैंक संचालक समितको बैंठकले सो निर्णय गरेको हो ।
बैंकले दिन लागेको १५ प्रतिशत लाभांशमा ७ दशमलव ५ प्रतिशत बोनश सेयर दिइने छ भने ७ दशमलव ५ प्रतिशत नगद लाभांस दिने निर्णय भएको बैंक स्रोतले बताएको छ ।
हाल बैंकको चुक्ता पूँजी ९ अर्व ६३ करोड ६८ लाख रुपैयाँ रहेको छ । बोनश सेयर वितरणसँगै बैंकको चुक्ता पूँजी १० अर्व ३५ करोड रुपैयाँ पुग्नेछ । बैंकले गत आवमा १ अर्व ५० करोड रुपैयाँ मुनाफा आर्जन गरेको थियो । यस्तै, चालू आवको पहिलो त्रैमासमा २१ करोड ५० लाख रुपैयाँ नाफा कमाएको छ ।
