काठमाडौं । प्रभु इन्स्योरेन्सको अध्यक्षबाट देवीप्रकाश भट्टचनले राजिनामा दिएका छन् । बैंक वित्तीय संस्था सम्बन्धी ऐन (बाफिया) अनुसार एउटै व्यक्ति दुई वटा वित्तीय संस्थामा बस्न नमिल्ने भएपछि उनले राजिनामा दिएका हुन् । प्रभु ग्रूपका अध्यक्ष भट्टचन हाल प्रभु बैंकको अध्यक्ष छन् ।
उनले राजिनामा दिएसँगै उनको ठाउँमा प्रभु ग्रूपको प्रतिनिधित्व गर्दै कुशुम लामा अध्यक्ष बन्ने भएकी छिन् । इन्स्योरेन्सको आज बस्ने संचालक समितिको बैंठकले उनलाई अध्यक्षमा नियुक्त गर्न लागिएको प्रभु इन्स्योरेन्सका उपाध्यक्ष राजेन्द्र मल्लले जानकारी दिए । ‘नयाँ अध्यक्ष नियुक्ती सम्बन्धमा आज संचालक समितिको बैंठक बस्दैछ,’ उनले भने, ‘सो बैंठकले लामालाई नै अध्यक्ष बनाउने छ ।’
