काठमाडौं । प्राइम कमर्सियल बैंकले आफ्ना सेयर धनीलाई २३ प्रतिशत बोनस सेयर दिने भएको छ । बैंक संचालक समितिको हिजो बसेको बैंठकले उक्त निर्णय गरेको हो ।
बोनस सेयरको सम्बन्धमा बैंकले आजैमात्र नेपाल स्टक एक्सचेञ्ज (नेप्से)लाई जानकारी दिएको छ । साथै बैंकले बोनस सेयरको लागि लाग्ने कर वापत नगद लाभांस समेत दिने भएको छ । जसको लागि १ दशमलव २१ प्रतिशत नगद लाभांसको प्रस्ताव गरेको छ ।
बैंकले केही समयभित्रै उक्त बोनस सेयर स्वीकृतिका लागि नेपाल राष्ट्र बैंक समक्ष प्रस्ताव पेश गर्ने भएको छ । राष्ट्र बैंकबाट स्वीकृति पाउने वित्तिकै बैंकले साधारणसभामा पेश गर्ने जानकारी दिएको छ ।
