काठमाडौं । यहि भदौं २६ गतेदेखि एनएमबी हाइब्रीड फण्ड एल १ को सेयर निष्काशन हुने भएको छ । एनएमबी बैंक कोष प्रवर्धक रहेको एनएमबि म्यूचुअल फण्ड अन्र्तगत संचालन हुने उक्त फण्डको प्रति इकाई मूल्य १० रुपैयाँका दरले सेयर निष्काशन गर्न लागेको हो ।
फण्डले न्यूनतम ६ करोड ८० लाख इकाई सर्वसाधारणको लागि विक्री खुला गर्ने लागेको हो । बैंकले यहि भदौ २६ गतेदेखि निष्काशन खुला गर्ने र छिटोमा भदौ ३१ गते निष्काशन बन्दको समय तोकेको छ । यसको धितोपत्र निष्काशन तथा विक्री प्रबन्धकमा एनएमबि क्यापिटल रहेको छ ।
हाल एनएमबी म्युचुअल फण्ड अन्तर्गत एनएमबि सुलभ ईन्भेष्टमेण्ट फण्ड १ सञ्चालनमा रहेको छ । करिब २ वर्ष अगाडी निष्काशन गरिएको उक्त फण्डको २०७३ श्रावण मसान्तसम्मा खुद सम्पत्ति मूल्य १९ दशमलव ३ पैसा रहेको छ । हाल बजारमा सञ्चालनमा रहेका प्रायः सबै योजनाहरुले राम्रो प्रतिफल दिईरहेको अवस्थामा आगामी दिनमा लगानीकर्ताहरुको लागि म्युचुअल फण्डको योजनामा लगानी गर्नु लगानीको राम्रो अवसर भएको एनएमबी क्यापिटलले जनाएको छ ।
