काठमाडौं ।सनराइज बैंकले रेमिट्यान्स सेवा बिस्तार गर्ने क्रममा कोरियाको इण्डष्ट्रियल बैंक अफ कोरिया(आइवीके) सँग विप्रेषण सम्बन्धी सम्झौता गरेको छ । यसबाट कोरियामा बस्दै आएका नेपालीले आइवीकेको कुनै पनि शाखाबाट नेपालमा सन्राइज बैंकको खातामा सजिलै पैसा पठाउन सक्ने बताइएको छ ।
आइवीकेको कोरियामा ६सय ३७ शाखाको संजाल छ । जसमध्ये आनसान र इतेवान शाखा आप्रबासीहरुलाई रेमिट्यान्स सेवा दिने उद्देश्यले हप्ताको सातै दिन खुल्ला गरिएको छ ।
आइवीकेको कुनै पनि शाखाबाट पैसा पठाउन ग्राहकले एकपल्ट सम्बन्धित शाखामा गई नेपाल स्थित पैसा पाउने व्यक्तिको विवरण दर्ता गरेपछि आफूले चाहेको समयमा स्वचालित विप्रेषण प्रणाली वा मोबाइल बैकिंग र एटिएमबाट नेपालमा पैसा पठाउन सक्नेछन् । यसरी पैसा पठाउने ग्राहकलाई आइवीकेले रेमिट्यान्स पठाउन लाग्ने शुल्कमा ३० प्रतिशत छुट दिने छ बताइएको छ ।
साथै आइवीकेमै खाता रहेको ग्राहकले आफ्नो तलब सोहि खातामा बुझ्नेगरेको छ भने त्यस्ता ग्राहकलाई रेमिट्यान्स पठाउन लाग्ने शुल्कमा शत प्रतिशत छुट दिने छ । यसका अतिरिक्त सन्राइज बैंकको खातामा पैसा जम्मा हुँदा सन्राइज बैकले कुनै रकम नलिने जानकारी गराएको छ । सन्राइज बैंकको ६७ वटै शाखाबाट यो सेवा लिन सकिनेछ ।
