काठमाडौं । अर्थमन्त्री डा.प्रकाश शरण महतले राष्ट्र बैंक संचालक समितिलाई अर्थतन्त्र चलायमान हुनेगरी मौद्रिक नीतिको समीक्षा गर्न निर्देशन दिएका छन् । उनले गभर्नरसहित सिंगो संचालक समितिलाई अर्थ मन्त्रालयमा बोलाएर अर्थतन्त्रमा अहिले देखिएका समस्या समाधान हुनेगरी मौद्रिक नीतिको त्रैमासिक समिक्षा गर्न निर्देशन दिएका हुन् ।
हाल अर्थतन्त्रमा समस्या देखिएको भन्दै उनले अर्थतन्त्रमा समस्याहरु समाधान गर्नेगरी मौद्रिक नीतिको समिक्षा गर्न निर्देशन दिएका हुन् । पछिल्लो समय अर्थतन्त्रमा विकराल समस्या देखिएको भन्दै व्यवसायीदेखि राजनीतिज्ञसम्म यसमा विशेष ध्यान दिनुपर्ने बताउँदै आएका छन् ।
यसै समस्यालाई प्रधानमन्त्री पुष्पकमल दाहालले पनि अर्थतन्त्र सुधार गर्न विशेष नयाँ घोषणा गर्नुपर्ने बताउँदै आएका छन् ।
