काठमाडौं । कुमारी बैंकको प्रमुख कार्यकारी अधिकृत (सीईओ)मा रामचन्द्र खनाल नियुक्त भएका छन् । शुक्रबार बसेको बैंक सञ्चालक समितिको बैठकले खनाललाई सीईओमा नियुक्त गरेको हो ।
यसअघि पनि कुमारी बैंकको सीईओ रहेका खनाल कुमारी र एनसीसी बैंक एकआपसमा मर्जर भएपश्चात वरिष्ठ डीसीईओ भएका थिए । तर एनसीसी बैंकबाट सीईओ भएका रमेश अर्यालले राजीनामा दिएसँगै खनाललाई पुनः सीईओमा नियुक्त गरेको हो ।
बैंक संचालक समितिले शुक्रकार (आज) नै अर्यालको राजीनामा स्वीकृत गर्दै खनाललाई सीईओ नियुक्त गरेको हो । बैंकिङ क्षेत्रमा डेढ दशक लामो अनुभव रहेको खनाल पेशाले चाटर्ड एकाउन्टेन्ट हुन् ।
आफु सीईओ भएसँगै मर्जर मश्चातको सिनर्जी निकाल्ने जिम्मेवारी आफुमा आएको खनालले बताए । सिद्धार्थ बैंकबाट बैंकिङ करियरमा प्रवेश गरेका खनाल सफल बैंकरको रुपमा परिचित छन् । उनले आफ्नो करियरको छोटो समयमै सीईओ बन्न सफल भएका थिए ।
