काठमाडौं । कुमारी बैंक एनसीसीसँग मर्जरमा नजाने भएको छ । बैंकको विशेष साधारणसभाले शुक्रबार एनसिसीसहित अन्य चार विकास बैंकसँग मर्जरमा नजाने निर्णय गरेको हो ।
बैंकका अधिकांश लगानीकर्ताले मर्जरमा जान हुदैन भनेर हुटिङ गरेपछि मर्जरमा जाने वा नजाने विषयमा भोटिङ भएको थियो । भोटिङमा उपस्थितको ५० प्रतिशतभन्दा वढी सदस्यले मर्जरको विपक्षमा मतदान गरपछि मर्जर टुङगिएको हो ।
एनसीसीको तर्फबाट मर्जरको नेपाल राष्ट्र बैंकका एक्जुकेटिभ डाइरेक्टर लक्ष्मी प्रपन्न निरौलाले नेतृत्व गरेका थिए । यो मर्जरको लागी राष्ट्र बैंक लागि परेको थियो ।
कुमारीका लगानीकर्ताले स्वाप रेसियोमा असहमति जनाएका थिए । डिडिएले कुमारीको स्वाप रेसियो एनसिसीसँग ९८ रुपैयाँ तय गरेको थियो । पछि मर्जर कमिटिको आपसी सहमतिमा १०० रुपैयाँ निर्धारण गरे पनि कुमारीका लगानीकर्ताले अस्वीकार गरेका हुन् । कुमारीका लगानीकर्ताले एनसिसीभन्दा १० रुपैयाँ वढि हुनु पर्ने माग गरेका थिए ।
कुमारी बैंकसँगै एनसिसीसँग चार विकास बैंक मर्जरको प्रकृयामा थिए । बाँकीको विशेष साधारणसभाबाट मर्जरमा जाने निर्णय गरिसकेका छन् ।
