काठमाडौं । नेपाल राष्ट्र बैंकले १० अर्ब रुपैयाँको ऋणपत्र जारी गर्ने भएको छ । बजारमा तरलता बढेपछि बैंकले आइतबार १० अर्ब रुपैयाँको ऋणपत्र जारी गर्न लागेको हो ।
राष्ट्र बैंकले क, ख र ग वर्गका बैंक तथा वित्तीय संस्थाले खरिदगर्न सक्नेगरी ऋणपत्र जारी गर्न लागेको हो । उक्त बचतपत्र आइतबार अपराह्न ३ बजेसम्म खरिद गर्न सक्नेछन् ।
ऋण पत्र खरिद गर्न चाहनेले न्युनतम १ करोड रुपैयाँदेखि १ करोडले भाग गर्दा निःशेष भाग जाने गरी १० अर्बसम्मका लागि आवेदन दिन सकिने छ । ऋणपत्रको ब्याजदर भने हरेक छ महिनामा भुक्तानी दिइने छ ।
राष्ट्र बैंकका अनुसार ऋणपत्र खरिद गर्न चाहनेले अनलाइन मार्फत पनि आवेदन दिन सक्ने छन् । बोलकबोलमा सबैभन्दा कम ब्याजदरको प्रस्ताव गर्नेलाई ऋणपत्र दिइने छ । बैंक तथा वित्तीय संस्थाबाट ऋण लिन धितोका रुपमा ऋणपत्र राख्न सकिने छ ।
