काठमाडौं । मर्जर पछि बनेको विजय लघुवित्त वित्तीय संस्थाको कार्यकारी अधिकृत (सिईओ) मा बसन्त लम्साल पुनः दोहोरिएका छन् । विजय लघुवित्त वित्तीय संस्था र नयाँ सारथी लघुवित्त वित्तीय संस्थाले असार ३१ गतेदेखि एकीकृत सुरु गरेका थिए । नेपाल राष्ट्र बैंकले मर्जरमा जान अन्तिम स्वीकृति प्रदान गरेसँगै असार ३१ गतेदेखि एकीकृत कारोबार सुरु गरेका हुन।

दुवै लघुवित्त संस्थाले गत बैशाख ३० गते मर्जरमा जान अन्तिम सम्झौता गरेका थिए । दुई लघुवित्तले २०७९ मंसिर २६ गते मर्जरमा जानको लागि प्रारम्भिक सम्झौतापत्रमा हस्ताक्षर गरेका थिए । त्यसपछि गत चैत २८ गते सम्पन्न दुबै लघुवित्तको वार्षिक साधारण सभाले पारित गरेको थियो ।

दुई संस्था एक बराबर एक (१ः१)को स्वाप रेसियो अनुपातमा मर्ज भएका हुन्। मर्जर पश्चात् लघुवित्तको अध्यक्षमा नयाँ सारथी लघुवित्तका अध्यक्ष लोक बहादुर खड्का बनेका छन् । यसैगरी, कम्पनीको सचिबमा सरोज घिमिरे नियुक्त भएका छन् ।