काठमाडौं । ग्रीन डेभलपमेन्ट बैंकको सेयर आवेदन खुला भएको छ । बागलुङ जिल्लामा मुख्य कार्यालय रहेको सो बैंकको ४ लाख ५० हजार कित्ता साधारण सेयर निस्काशन भएको छ ।
आवेदकले ५० देखि १० हजार कित्तासम्म (५ हजार रुपैयाँदेखि १० लाख रुपैयाँसम्म)को आवेदन दिन सक्ने बताइएको छ । बैंकको सेयर बिक्री प्रबद्र्धकको रुपमा एनआईबिएल क्यापिटल रहेको छ । बैंकले हाल बाग्लुङ, म्याग्दी र कास्की ३ जिल्लामा सेवा दिँदै आएको छ । सेयर निस्काशनपछि कम्पनीको चुक्ता पुँजी १० करोड पुग्नेछ ।
साधारण शेयर निष्काशन पश्चात बैंकमा ५५ प्रतिशत संस्थापक तथा ४५ प्रतिशत सर्वसाधारको लगानी रहनेछ । इच्छुक आवेदकले कम्तीमा ५ हजारदेखि अधिकतम १० लाख रुपैयाँसम्मको आवेदन दिन सक्ने बताइएको छ । हाल बैङकको अधिकृत पुँजी ५० करोड, जारी पुँजी १० करोड र चुक्ता पुँजी ५ करोड ५० लाख रुपैयाँ रहेको छ।
बैंकले गत आर्थिक वर्षमा ११ लाख रुपैंया खुद नोक्सान व्यहोरेकोमा यस पटक १३ लाख रुपैंया खुद नाफा कमाएको छ । ३३ करोड ६६ लाख रुपैंया निक्षेप संकलन गरेको बैंकले ९ महिनाको अवधिमा २६ करोड ९८ लाख रुपैंया कर्जा प्रवाह गरेको छ । ग्रीन डेभलपमेन्ट बैंकको हरिशंकर रोड बागलुङ र शाखा कार्यालय बेनीबाट आवेदन दिन सकिनेछ ।
त्यस्तै एनआईबिएल क्यापिटलको मुख्य कार्यालय लाजिम्पाट, ग्रोमोर मर्चेन्ट बैंक दरवारमार्ग, विभोर क्यापिटल कृष्णगल्ली, गुह्येश्वरी मर्चेन्ट बैंकिङ एण्ड फाइनान्सका शाखा कार्यालयहरु हरिहरभवन, चाबहिल, वीरगञ्ज, हेटौंडा र चारआली, गुडविल फाइनान्सको हात्तिसार, डिल्लीबजार, इन्द्रचोक, कुमारीपाटी, इटहरी, नेपालगञ्ज, विर्तामोड र दाङ शाखाबाट आवेदन दिन सकिने छ।
एपेक्स डेभलपमेन्ट बैंक दरवारमार्ग, लोकन्थली, नारायणगढ, चिप्लेढुंगा, नेपालगञ्जबाट आवेदन दिन सकिनेछ। सिनर्जी फाइनान्सको शाखा कार्यालयहरु कमलादी, गंगबु, पोखरा न्यूरोड, बुटवलबाट आवेदन दिन सकिनेछ।
