काठमाडौं । नेपाल क्रेडिट एण्ड कमर्स (एनसीसी) बैंकले मोको डिजिटल वालेट बाट भुक्तानी गर्न सकिने सेवा सुरु गरेको छ ।
बैंकले मोको डिजिटल वालेट मार्फत आफ्नो भिसा डेविड कार्ड तथा क्रेडिट कार्ड बाट समेत भुक्तानी गर्न सकिने जानकारी दिएको छ ।उक्त सेवा बाट बैंकका ग्राहकहरुले मोबाइल वालेट बाट नै भर्चुअल डेविट तथा क्रेडिट कार्डको प्रयोग गरी विभिन्न भुक्तानीहरु तथा सेवाहरु उपयोग गर्न सक्ने भएका छन ।
उक्त वालेट मार्फत स्क्यान टु पे माध्यमबाट १५ सय बढी व्यापारिक संस्थाहरुमा भिसा क्युआर कोड प्रयोग गरी भुक्तानी गर्न सकिने बैकले जानकारी दिएको छ ।
एनसीसी बैंकले २५ वर्ष देखि आम नागरिकका माझ बैकिङ सेवा प्रवाह गर्नुका साथै सामाजिक कार्यहरुमा पनि सक्रीय रुपमा सहभागी हुँदै आएको छ । बैंकले मोको डिजिटल वालेट गुगल प्लेस्टोर र एप स्टोरमा उपलब्ध भएको उल्लेख गरेको छ ।
