काठमाडौं। एनएमबि बैंक गैंडाकोट शाखाले आफ्ना कर्मचारी तथा ग्राहकहरुका लागि गैंडाकोटमा वित्तीय साक्षरता कार्यक्रम गरेको छ।
कञ्चन आमा समुहको प्राङ्गणमा आयोजना गरिएको सो कार्यक्रममा एनएमबि बैंक गैंडाकोट शाखाका कर्मचारीद्वय प्रदिप खनाल र राजु पोख्रेललले बैंक विभिन्न सेवा, डिजिटल बैंकिङ्ग लगायतका साथै बैंकिङसँग सम्बन्धित विविध वित्तीय विषयमा सहभागीलाई प्रशिक्षित गरेका थिए।
बैंकले सर्वसाधारणलाई बैंकिङ्ग तथा वित्तीय साक्षरतासम्बन्धी सचेतना र सशक्तिकरण गर्ने उद्देश्यले आगामी दिनमा पनि यस किसिमका कार्यक्रमहरु सञ्चालन गर्दै जाने जनाएको छ।
एनएमबि द फाइनान्सियल टाइम्सको लन्डनस्थित ‘द बैंकर’ पत्रिकाबाट एसियाकै सर्वोत्कृष्ट बैंक तथा ‘बैंक अफ द इयर एसिया २०२१’ अवार्डबाट सम्मानित भएको बैंक हो।
बैंकले यसअघि पनि सन् २०१७, २०१८, २०२० र २०२१ मा नेपालकै उत्कृष्ट बैंकको सम्मान ‘बैंक अफ द इयर नेपाल’ प्राप्त गरिसकेको छ। एनएमबिका हाल देशभरी २०१ शाखा, १३९ एटीएमहरू, १० एक्सटेन्सन काउन्टरहरू रहेका छन्।
