काठमाडौं । नेपाल राष्ट्र बैंकले १० प्रतिशतभन्दा बढी क्रसहोल्डिङ भएका लघुवित्तीय संस्थालाई फोर्सफुल मर्जरमा जान निर्देशन जारी गरेको छ ।
राष्ट्र बैंकले एकिकृत निर्देशन २०७७ मा संसोधन गर्दै इजाजत प्राप्त क, ख र ग वर्गका बैंक तथा वित्तीय संस्थाको १० प्रतिशतभन्दा बढी संस्थापक सेयर स्वामित्व रहेका संस्थाहरुबीच एक आपसमा गाभ्न/गाभिन वा मर्जरमा जान निर्देशन दिएको छ ।
साथै इजात प्राप्त एक भन्दा बढी क, ख र ग वर्गका बैंक वित्तीय संस्थाको ५१ प्रतिशतभन्दा बढी सेयर स्वामित्व रहेका लघुवित्त वित्तीय संस्थाहरुले एक आपसमा गाभ्न/गाभिन वा प्राप्तिमा जान २०७९ असार मसान्तसम्म राष्ट्र बैंकमा कार्ययोजना पेश गर्नुपर्ने छ ।
जस अनुसार कुनै १० ओटा बैंक तथा वित्तीय संस्था मिलेर कुनै लघुवित्तको ५१ प्रतिशतभन्दा बढी सेयर स्वामित्व होल्ड गरेको खण्डमा पनि अबमा मर्जर वा एक्विजिशनमा जानुपर्ने छ ।
