काठमाडौं । लक्ष्मी बैंकले जनकपुर उपमहानगरपालिकास्थित धनुषा जिल्ला अदालत परिसरमा एक्सटेन्सन काउण्टर जनकपुर खोलेको छ ।
नयाँ एक्सटेन्सन काउन्टर स्थापनासँगै बैंकको सञ्जालभित्र ५० जिल्लामा १३८ शाखा, आठ एक्सटेन्सन काउण्टर, पाँच हस्पिटल सेवा काउन्टर, १६८ एटीएम, २५०० भन्दा बढी रेमिटेन्स एजेन्ट तथा ६३ शाखारहित बैंकिङ्ग एजेन्ट कायम भएको छ ।
बैंकले सुविधा जनक बचत खाता योजना, मुद्दती निक्षेप योजना, घर तथा सवारी कर्जा, साना व्यवसायी कर्जा र लघुवित्तलगायत वित्तीय सेवाहरुको बढ्दो माग पूरा गर्न नयाँ तथा वित्तीय पहुँच नपुगेका क्षेत्रहरूमा सेवा विस्तार गरिरहेको जनाएको छ ।
