साताको अन्तिम दिन बिहीवार सेयर बजार ७ दशमलव ६७ अंकले उकालो लागेको छ । सो दिन बजार १ हजार ९२ अंकमा पुगेर बन्द भएको छ ।
बिहीवार जलविद्युत समुहको परिसुचक सवैभन्दा बढी ६० दशमलव ९१ अंकले उकालो लागेको छ । त्यस्तै होटल समुह २४ दशमलव ८१,अन्य १५ दशमलव २७ र सेयर बजारमा बढी प्रभाव रहेको बैंक समुहको परिसुचक ५ दशमलव ८५ अंकले बढेको छ ।
त्यस्तै बीमा समुह र विकास बैंकको परिसुचक क्रमशः ३ र २ अंकले उकालो लागेको छ । यता फाइनान्स समुहको परिसुचक भने ० दशमलव ३१ अंकले ओरालो लागेको छ ।
बिहीवार कारोवारमा आएका ९९ कम्पनीको ३ लाख ९८ हजार कित्ता सेयरबाट २७ करोड ९१ लाखको कारोबार भएको छ ।
